Personi që shihni në foto është Fiqiri Mjeshtri autori kryesor i vrasjes së babë e bir në Klos që tronditi vendin ditën e sotme. Fiqiri Mjeshtri dyshohet se ka qëlluar me armë zjarri drejt Kenad dhe Liri Shirës, pranë një lokali teksa po kalonin në trotuar.
Breshëritë e plumbave kanë lënë të plagosur edhe dy persona të tjerë të identifikuar me emrat Eglantin Hasula dhe Renato Hasula.
Fiqiri Mjeshtri pasi ka kryer vrasjen, është larguar nga vendi i ngjarjes por është gjetur pas pak minutash pas kontrolleve nga policia në disa banesa të zonës ku ndodhi vrasja e dyfishtë.
Mjeshtri ka pikasur forcat e policisë dhe ka qëllua veten me armë zjarri duke ndërruar jetë në vend. Ngjarja ka ndodhur në qendër të Klosit, ndërsa bashkëpunëtorë të autorit kryesor kanë qenë edhe vëllezërit e tij Fatmir Mjeshtri dhe Besnik Mjeshtri.
Nga hetimet paraprake dyshohet se vrasja e babë e bir Kenad dhe Liri Shirës është kryer për motive të dobëta. Ndërsa burime pranë gijotina.com bënë me dije, se mes dy fiseve ka patur konflikte të hershme.
Discussion about this post