Marash Kumbulla ka ndërprerë pushimet dhe është kthyer në qendrën stërvitore të Romës, kjo me një urdhër dhe plan special të Zhoze Murinjos. Trajneri portugez ka zbarkuar në Romë stafin e tij, të cilët kanë nisur një program special me futbollistët e Romës që kanë pasur dëmtime të rënda apo dëmtime të herëpashershme gjatë sezonit të shkuar.
Kryesori te verdhekuqtë është Zanioplo, i cili vjen pas një ndërhyrjeje kirurgjikale, mirëpo mes tyre kaq enë edhe Marash Kumbulla, i cili qëndroi disa javë jashtë prej COVID-it apo edhe për një dëmtim që iu shfaq pas ndeshjes me Kombëtaren.
Kumbulla & Co qe kthyer në Romë për të marrë një javë përgatitore ekstra me stafin e Murinjos, përpara se trajneri portugez të nisë fazën me skuadrën kryeqytetase. Mbetet për t’u parë se çfarë zgjedhjesh do të bëjë Murinjo për mbrojtjen, nëse Kumbulla do të jetë në fokusin e tij kryesor për ta aktivizuar apo jo. Mbrojtësi i Kombëtares është vlerësuar si një talent me perspektivë në qendër të prapavijës, si në skemën me 3 edhe atë me 4.
