Teksa ishte duke folur në parlament, deputeti turk Burak Erbay ka thyer telefonin me çekiç. Anëtari i Partisë Popullore Republikane në opozitë po protestonte kundër një projektligji të propozuar e të mbështetur nga qeveria. Paketa në fjalë synon të luftojë “dezinformimin” në internet.
Sipas këtij legjislacioni, rrjetet e mediave sociale dhe faqet e internetit do të duhet të publikojnë detaje të përdoruesve të dyshuar për “përhapjen e informacionit mashtrues” dhe mund të rezultojë në burgosjen e të akuzuarve deri në tre vjet burgim, raportoi BBC-ja të enjten.
Kritikët thonë se projektligji, nëse miratohet në ligj, do të cenonte liritë e shtypit dhe do të çonte në censurë të përhapur.
Discussion about this post