Shoqata e të verbërve ka protestuar sot në Tiranë duke kërkuar përmirësimin e infrastrukturës dhe rritjen e pagesës që marrin. Në ditën e “Shkopit të bardhë”, të verbrit kanë dalë në Bulevardin “Dëshmorët e Kombit” për të kërkuar të drejtat e tyre dhe më pas do të vijojnë protestën me një marshim drejt Bashkisë.
Disa prej tyre shprehen se pagat që marrin janë shumë të ulëta për të përballuar koston e jetesës në kushtet ku çmimet rriten çdo ditë.
“Nuk kemi kushte, infrastruktura nuk na ndihmon. Pagesat që marrim janë shumë të ulëta për të përballuar koston e jetës. Me vështirësi mbijetojmë. Duhet të paguajmë drita, ujë, personin që kujdeset për ne. Nuk e di si ia dalim. Nuk kemi as ambiente për të lëvizur, për të dalë”, thanë protestuesit.
Discussion about this post