Luis Figo, një ish-futbollist portugez i Real Madridit dhe Barçës (ndër të tjera), ka bërë prognozën e “El Clasico” në një intervistë për “The Guardian”. Përveç kësaj, në të njëjtën bisedë, kujtoi se si ishte nënshkrimi i tij për ekipin e Barçës.
“Ai që vendos nëse do të shkoj apo jo jam unë. Unë kisha gjithçka në Barcelonë, kalimi te Real Madridi më sprovoi më shumë. Isha shumë i qetë, megjithëse në të njëjtën kohë kisha për detyrë të kujdesesha për ato që kishin punuar me mua. Vendimin e mora vetë, sepse jam përgjegjës për veprimet e mia.
Një vit më vonë ndërpreva punën me agjentin tim për shkak të disa situatave që u ngritën. Unë i thashë: OK, do të marr përgjegjësi për veten time. Që tani e tutje, ti ke jetën tënde, unë kam timen”, – tha ai në mediat britanike për shkuarjen te Real Madridi, çka e bëri të humbiste disa miqësi.
Ndërrimi i qytetit mund të kishte shkuar keq për të, por për fatin e tij gjërat morën për mirë: “Te Barcelona kisha gjithçka, por mendova: Nuk është se do të shkoj në një klub të dorës së dytë. Nëse nuk do të ishte fjala për Real Madridin, ndoshta nuk do të isha larguar. Ishte një sfidë, një vendim i bazuar në ndjenjën e vlerës, për të bindur veten se do të isha një pjesë shumë e rëndësishme. Mund të ishte një m*t, por nuk rezultoi kështu, faleminderit Zotit…”
Një nënshkrim që shpjegohet mrekullisht në dokumentarin e tij në Netflix: “Shkuarja ime në kryeqytet bëri shumë bujë. Ndihesha sikur bëja një konferencë për shtyp çdo ditë. Kjo bëri të vetën. Ne kishim filluar të bënim një turne, një ide e re, aty ishte rivaliteti, presioni, çmimi. Jo të gjithëve iu pëlqen një presion i tillë”.
Pjesa më e madhe e suksesit ishte falë punës së Del Bosque: “Ai është një nga njerëzit dhe trajnerët më të mirë që kam takuar ndonjëherë. Menaxhimi i 25 egove është gjëja më e vështirë në botë. Nuk ka të bëjë me imponimin.
Kishte ego, ka gjithmonë ego, por ka pasur profesionistë të mëdhenj që donin të konkurronin, të fitonin, të cilët respektonin hapësirën e njëri-tjetrit. Nëse të gjithë thonë: Jo, unë jam më i miri në botë, vraponi jut ë tjerët, shkaktohet kaos. Kemi pasur një atmosferë shumë të mirë”.
Discussion about this post