Barcelona është dorëzuar pa kushte në “Bernabeu”, teksa “El Clasico” e parë e këtij sezoni është e Real Madrid, me madrilenët që triumfuan 3-1 dhe janë liderit e vetëm të La Ligas.
Një takim i luftuar mes dy ekipeve, teksa që në minutën e 12-të të sfidës do të niste festa në “Bernabeu”, ku Karim Benzema do të gjente rrugën e rrjetës, si “qershia mbi tortë” që nesër do të marrë në duar e tij edhe “Topin e Artë”.
“Los Blancos” nuk e lanë me kaq, pasi në të 35-tën do të gjente edhe golin e dytë të sfidës, me Valverde që do të “heshte” gjithë katalanasit, me pjesën e parë që do të mbyllej në favorin e vendasve.
45-minutëshi i dytë do të ishte përsëri i luftuar, por vetëm në minutën e 82-të blaugranat do të ngushtonin shifrat 2-1 me Torres.
Minutat e mbetura do të prodhonin edhe një gol tjetër, me Rodrygo që shënon me penallti për “Los Blancos”, duke çuar shifrat 3-1, me katalanasit që kështu mposhten në “El Clasico” dhe Reali merr tashmë i vetëm kreun e klasifikimit me 25 pikë, ndërsa Barça e ndjek nga pas me 3 pikë më pak.
Discussion about this post