Gjykata ka caktuar sot masën e sigurisë “arrest me burg” për Martina Pajollarin. Ajo u akuzua se ishte e implikuar në vrasjen e të riut Martin Çeço, me të cilin thuhet se ka patur një lidhje dashurie. Ndërkohë avokati i kushërinjve Mollaj, të cilët janë gjithashtu prapa hekurave si autorë të krimit të rëndë, Nevzat Tarelli, ka dhënë një deklaratë lidhur me seancën e sotme.
“Duke pasur një informacion që vajza mund të largohej (Martina Pajollari ), pala ka kërkuar sigurimin e provës”, ka thënë ai.
Sipas deklarimit të avokatit ditën e sotme vajza është deklaruar para gjykatës dhe nuk dihet qartësisht nëse arrestimi i saj është kryer për shkak të kërkesës sigurim prove apo nëse prokuroria ka siguruar fakte të tjera të cilat e implikojnë vajzën me rol aktiv në krim.
Avokati ka hedhur hije dyshimin në influencimin e deklarimeve të të pandehurve Angjo dhe Pajollari pasi sipas tij deklarata është ndryshuar 2 herë dhe në të dyja herët të pandehurit kanë deklaruar njësoj.
“Dëshmia e parë dhe e dytë e vajzës kanë ndryshime thelbësore më bëjnë të mendoj që ajo mund të fshehë diçka ose është influencuar nga të tjerët.”, ka thënë ai.
Ndërkohë sipas burimeve gjatë seancës Martina Pajollari ka hedhur poshtë të gjitha deklarimet e mëparshme duke thënë se janë të pavërteta.
Discussion about this post