Ditën e sotme hakerat iranianë kanë publikuar një databazë me numrat e telefonit të shqiptarëve. Bëhet fjalë për një historik të kompanive që kanë operuar në Shqipëri, konkretisht nga viti 2018 deri në 2022. Ende nuk dihet se nga janë marrë ekstraktet në fjalë. Në të dhënat që janë dërguar në grupin Homeland Justice, ndodhet një listë prej 14 milionë numrash celularë.
Krahas numrave, hakerat kanë vendosur edhe të dhënat personale si emër, mbiemër, emrin e nënës dhe babait, numrin e kartës së identitetit, datëlindjen dhe datë kur është regjistruar numri i celularit.
Ata kanë publikuar pamjet nga një bazë e iranianëve të MEK në Shqipëri duke shkruar se ata kanë përdorur numrat e shqiptarëve për të kryer sulme terroriste në botë.
“Linjat telefonike shqiptare janë përdorur në shërbim të aktiviteteve terroriste të MEK në vende të tjera”, thuhet në mesazhin e hakerave në rrjetin e komunikimit në Telegram.
Discussion about this post