Deputeti i Partisë Demokratike, Gazment Bardhi ka reaguar pasi kryeministri Edi Rama deklaroi se partia që synon të marrë pushtetin, duke e drejtuar gishtin nga opozita, shkon në Gjykatën Kushtetuese për të rrëzuar vendimin për konfiskimin e kateve pa leje.
Në një postim në Twitter, Bardhi thotë se Rama gënjen për “të mbrojtur oligarkët”, pasi sipas tij, opozita në GJK ka kërkuar shfuqizimin e VKM që legalizon pa ligj katet shtesë të kullave të korrupsionit.
”Edi Rama vazhdon të gënjejë për të mbrojtur oligarkët. Opozita në GJK ka kërkuar shfuqizimin e VKM që legalizon pa ligj katet shtesë të Kullave të pastrimit të parave të pista dhe korrupsionit. Konfiskimin e parashikon ligji! Zbato ligjin për oligarkët njëlloj si për çdo qytetar”, shprehet Bardhi.
Discussion about this post