Pas një hetimi të Agjencisë Kombëtare të Krimit, policia britanike ka arrestuar një grua shqitpare. Ajo dyshohet se është përgjegjëse në ndihmën që i ka dhënë emigrantëve të paligjshëm që të kalojnë në këtë shtet me varka të vogla.
E dyshuara, e moshës 31 vjeçe, u arrestua mëngjesin e sotëm (më 19 tetor) në një adresë në Banbury, Oxfordshire. Ajo u arrestua me dyshimin për lehtësimin e emigracionit të paligjshëm dhe është dërguar në paraburgim për t’u marrë në pyetje.
Jacque Beer, Shefi Rajonal i Hetimeve të NCA, tha: “Ky është një hetim proaktiv në përgjigje të inteligjencës se grupet shqiptare të krimit të organizuar po vepronin si ndërmjetës, duke kërkuar të lehtësonin migrimin e paligjshëm të shtetasve shqiptarë duke përdorur rrjetet e vendosura të transportit”.
“Kontrabanduesit e njerëzve kujdesen vetëm për paratë, nuk kujdesen për sigurinë e emigrantëve”.
“Ne po synojmë shkelësit që ndikojnë në Mbretërinë e Bashkuar në çdo fazë të udhëtimit – nga burimi, në tranzit, deri në destinacion”.
Discussion about this post