Nga foltorja e Kuvendit, deputetja e Partisë Demokratike Jorida Tabaku akuzoi ERE-n se është në varësi të Ministrisë së Energjisë. Ajo kujtoi se institucioni në fjalë duhet të mbrojë interesin e qytetarëve, dhe kërkoi ndër të tjera që fasha e energjisë 800KW të mos shtyhet, por të anulohet.
Deputetja e opozitës tregoi se ka qenë prezent në bordin e ERE dhe aty ka parë sesi asnjë prej anëtarëve të bordit, sipas saj, nuk mbrojti interesin e qytetarëve.
“ERE, drejtori varësie e ministrisë. Bordi i ERE-s,, të jetë i vetëdijshëm për rolin që ka. Të mbrojë konsumatorin, biznesin…Po me kompanitë e naftës ç’po bëhet. Mbi 250 milionë të ardhura shtesë kanë fituar.”
Po ashtu, Tabaku u shpreh se situata e çmimeve sot, nuk është tërësisht pasojë e krizës.
“Korrupsioni në kohë paqeje sot po u kalon qytetarëve duke u justifikuar me krizën,” u shpreh ajo.
Discussion about this post