Përfshihen nga flakët sipërfaqe me shkurre, pemëtari dhe pyje pranë fshatit Shëmri, Kurbin. Gazetari Elidon Ndreka raporton për “BalkanWeb” se zjarri është aktiv prej dy orësh, ndërsa janë punonjësit e OST, të cilët po përpiqen të izolojnë flakët që mos të prekin linjën 400 KW.
Gjithashtu janë lajmëruar dhe zjarrfikësit për të ndërhyrë në shuarjen e zjarrit i cili favorizohet nga erërat.
Ende nuk dihen shkaqet, teksa mësohet në vendngjarje janë nisur dhe forcat e policisë për të hetuar shkaqet e zjarrit.
