Vendimi për Hekuran Markun, ish-truprojën e Saimir Tahirit është shtyrë. Seanca u zhvillua në Gjykatën e Posaçme dhe shkak për këtë u bë mungesa e dy prokurorëve të çështjes, Vladimir Mara e Dritan Prençi. Ndërsa vetë i pandehuri ishte i pranishëm në gjyq.
Seanca e radhës u caktua me 4 nëntor në orën 12:00. Ndërkohë më herët GJKKO ka pranuar kërkesën e Markut për gjykim të shkurtuar. Ai u kap në Gjermani dhe u ekstradua pasi kërkohek nga autoritetet shqiptare në kuadër të operacionit ‘Shpirti’.
Ai akuzohet për trafik narkotikësh në kuadër të grupit të strukturuar kriminal. Për shkak të gjykimit të shkurtuar nëse Marku do të dënohet, i zbritet 1/3 e dënimit, ndërsa SPAK ka kërkuar 12 vite heqje lirie.
Ndaj tij nisën hetimet si pjesë e një grupi kriminal, bashkë me ish-truprojën tjetër të Saimir Tahirit, Agustin Dedën.
Discussion about this post