Konflikti mes një çifti në Tiranë ka përfunduar me plagosjen e një 38- vjeçareje. Burime nga policia bëjnë me dije se një 51- vjeçar i identifikuar me iniciale Gj. M., pas sherrit me të fejuarën e tij e ka goditur me thikë duke e lënë të plagosur.
E reja është transportuar pranë spitalit të Tiranës për të marrë trajtimin mjekësor, ndërsa mësohet se është jashtë rrezikut për jetën.
“Specialistët për Hetimin e Krimeve të Komisariatit të Policisë Nr. 4 kanë referuar materialet në Prokurori dhe po punojnë për kapjen e shtetasit Gj. M., 51 vjeç, pasi gjatë një konflikti për motive të dobëta, mbrëmjen e djeshme, ka goditur me mjet prerës, të fejuarën e tij 38-vjeçare, e cila ndodhet jashtë rrezikut për jetën”, njofton policia.
Materialet i kaluan Prokurorisë, për veprime të mëtejshme procedurale.
Discussion about this post