Nga Elton Qyno/ Gjykata e Elbasanit ka vendosur të mbyllë në burg dy personat e arrestuar Luis Gaxhi alias “Isai” dhe Rigers Spahiun, të akuzuar për “Mbajtje pa lejë të armëve të zjarrit”, “Moskallëzimit të krimit” dhe “Veprimeve që pengojnë zbulimin e të vërtetës”. Arsenali i armëve të sekuestrua në banesën e Luis Gaxhit, të cilat ai i kishte fshehur në çatinë e shtëpisë së tij. Asnjëri prej të arestuarve nuk ka pranuar të flasë dhe japi shpjegime para gjykatës së Elbasanit. Luis Gaxhi, rezulton të jetë i dënuar për vjedhje në Belgjikë ndërsa në Elbasan punonte si elektroaut. Kurse miku i tij Rigers Spahiu, është vëllai i Arjan Spahiut të vrarë në Belgjikë, i cili sipas dëshmisë së Nuredin Dumanit ishte financues dhe urdhërues i disa vrasjeve në Elbasan,Durrës dhe Kavajë.
Hetimi i kryesuar nga prokurorët Gentian Abazaj dhe Kreshnik Ajazi,ka zbuluar se armët luftarake janë lëvizur nga njëra bazë në tjetrën, sapo policia ka arrestuar në 8 tetor 2022 Xhafer Deliu. Në telefonin e këtij të fundit, janë gjetur në rubrikën “Delete” fotot e “Dilo Çamit” dhe Elton Kilës.
Policia dhe prokuroria, ka mbajtur në mbikqyrje rrethin shoqëror të Xhafer Deliu, duke marë të dhëna interesante se Rigers Spahiu dhe miku i tij Luis Gaxhi, po lëviznin diçka dhe këtë gjë ishin duke e bërë përmes makinës së Rigers Spahiut.
Policia ka ushtruar kontroll në banesën e të dyve këtyre personave, ku ka rezultuar se në çatinë e shtëpisë së Gaxhit është gjendur arsenali i madh i armëve.
Luis Gaxhi alias (Isai) është pyetur në cilësinë e personit, ndaj të cilit zhvillohen hetime dhe ai nuk ka dashur të japë shpjegime duke deklaruar se do të flasë në një moment të dytë.
Është pyetur në cilësinë e personit që ka dijeni për veprën penale babai i tij, Ahmet Isai, i cili ka deklaruar se nuk ka dijeni se si përfunduan në çatinë e shtëpisë armët e gjetura nga policia. Ai nuk i ka parë asnjëherë ato armë dhe nuk e dinte, që ndodheshin aty. Nëse do e dinte që në banesën e tij ka armë do të kishte njoftuar policinë. Por nga informacionet e siguruara nga strukturat policore Elbasan, të referuara dhe në Prokurori, rezulton se shtetasi Luis Gaxhi ka lidhje shoqërore me interes me Rigers Spahiu dhe Arben Spahiu.
Ditët e fundit Luisi, ka përdorur automjetin e shtetasit Rigers Spahiu tip benz ngjyrë gri me targa AB062FM. Dhe nga informacionet e siguruara dyshohet se armët dhe municioni i gjetur i përket shtetasve Rigers dhe Arben Spahiu, të cilët po përgatiten të kryejnë një ngjarje kriminale me motiv hakmarrje ndaj vrasjes së vëllait të tyrë Ardit alias Arjan Spahiu dhe kushuririt të tyre Ibrahim (Everest) Caka.
Njëherësh Arben Spahiu, është kunati i Erion Alibej, i cili aktualisht ndodhet në burg dhe po hetohet si i dyshuar për organizimin e vrasjes së shtetasve Emiljano Ramazan, Regis Runaj e personave të tjerë. Policia ka ndaluar Rigers Spahiu dhe automjeti tip benz ngjyrë gri me targa AB062FM, është kontrolluar por nuk u gjetën sende të kundraligjshme. Rigers Spahiut, i janë sekuestruar dy aparatë celular i markes “Iphone”. Spahiut i është kërkuar passëord i aparateve të tij celular, me qëllim këqyrjen e tyre dhe konkretisht të bisedave me interes me shtetasin Luis Gaxhi apo shtetas të tjerë. Por Rigers Spahiu, nuk ka pranuar të japë “password” dhe i ka fikur aparatet e tij celularë, veprim ky që solli arrestimin e tij për akuzën e Moskallëzimit të krimit dhe Veprimeve që pnegojnë zbulimin e të vërtetës..
Discussion about this post