Dritë në fund të “tunelit” për Laçin. Kurbinasit më në fund janë rikthyer te fitorja në kampionat, teksa ia kanë dalë të mposhtin Kastriotin në sfidën e javës së 9-të të “Abissnet Superiore”.
Sergio Ukaj në minutën e 16-të do të mposhte portierin e krutanëve për të kaluar të tijtë në avantazh, gol i cili më pas do të rezultonte edhe i 3-pikëve aq shumë të munguara prej më shumë se 7-javësh.
Të besuarit e Emiliano Çelës nuk ia dolën që të dilnin me pikë në këtë sfidë, teksa tashmë e shikojnë veten në vendin e 8-të me 10 pikë, ndërsa kurbinasit shkojnë në kuotën e 8-pikëve në vendin e 9-të.
Në “Kukës Arena” Shpëtim Duro ka debutuar me fitore në stolin e Egnatias, teksa këtë e bëri ndaj ish-skuadrës së tij.
Në minutën e 82-të do të shënohej edhe goli vendimtar i takimit, ku Ferriera shënoi në portën e gabuar, duke i dhuruar kështu avantazhin miqve.
Në këtë mënyrë Kukësi bën vetëvrasje, me verilindorët që ndalen kështu pas 3 fitores, duke mos mundur dot të siguronin fitoren në shtëpinë e tyre, me rrogozhinasit që rrëmbejnë 3 pikë me vlerë në një nga transfertat më të vështira.
Të besuarit e Enkeleid Dobit nuk ia dolën dot të gjenin golin e barazimit për të siguruar minimumi një pikë, ndërsa tashmë ndodhen në vendin e 6-të me 11 pikë, ndërsa Egnatia “fluturon” në vendin e 4-të me 12 pikë.
Discussion about this post