Manchester City është rikthyer te fitorja në Premier League, teksa në sfidën e javës së 10-të të kampionati ia ka dalë të mposhtë Brighton, duke bërë kështu autokritikë për humbjen e një jave më parë ndaj Liverpool.
Si gjithmonë Erling Haaland do të ishte vendimtar për skuadrës së tij pasi arriti të gjente golin në minutën e 22-të të takimit, ndërsa në të 43’ do të shënonte nga pika e bardhë e penalltisë.
Skuadra e Brighton do të ngushtonte shifrat me Trossard në minutën e 53-të, por vetëm kaq, pasi nuk ia dolën dot të barazojnë rezultatin me të besuarit e Pep Guardiolës që shënuan edhe golin e sigurisë me De Bruyne në minutën e 75-të.
Në këtë mënyrë “Citizenët” sigurojnë fitoren që i mban në vendin e dytë në klasifikim me 26 pikë, një më pak se Arsenal i cili do të luajë nesër ndaj Sauthampton, teksa Brighton renditet i 8-ti me 15 pikë.
Fitore në shtëpi gjithashtu siguroi edhe Everton ndaj Crystal Palace. Vendasit ia dolën të triumfojnë me shifrat 3-0 ndaj miqve.
Golat për skuadrën e Everton arritën t’i shënonin Calvert-Lewin në minutën e 11-të, Gordon në minutën e 63-të dhe McNeil 85’-të.
Discussion about this post