Kryetarja e Parlamentit Lindita Nikolla kujdeset për komoditetin dhe rahatinë e parlamentarëve. Këtë herë ka menduar se si të bëjë më luksoze zyrat në Kryesinë e Kuvendit, për këtë ka hapur edhe një tender të posaçëm. Është publikuar sot në Agjencinë e Prokurimeve Publike tenderi me numër reference REF-46019-10-14-2022 dhe objekt “Rikonstruksion dhe Aredim te Zyrave ne Kryesi te Kuvendit”.
Nikolla ka vendosur që për blerjen e mobilieve arreduese të shpenzojë 30 milionë lekë. E pse jo janë gjithë ato zyra në këtë godinë, duke qenë se deputetët tanë lodhen në komisione iu duhen kushte komode. Gara do të mbyllet me datë 27 nëntor dhe sipas urdhrit të Nikollës, arredimi i të gjithë zyrave duhet të bëhet brenda një muaji. Pra, në fillim të muajt dhjetor deputetët duhet të futen në zyra më të bukura dhe të rehatshme.
Tenderi për kondicionerët
Tenderi për arredim vjen pak kohë pasi Nikolla përmirësoi sistemin ftohës dhe ngrohës në Kryesinë e Kuvendit. Kujtojmë se vetëm katër muaj më parë Kuvendi i Shqipërisë ka hapur një tender të majmë për ti “ftohur” deputetët. 300 mijë dollarë kushtoi ky prokurim. Tenderë të tilla janë bërë sa herë që në Tiranë temperaturat rriten, apo në stinën e verës. Por, ndryshe nga njerëzit e zakonshëm, që me vështirësi paguajnë faturat e dritave, apo nuk kanë instaluar kondicionerë në banesa, për burrat e shtetit mendojnë taksapaguesit.
Përveç rrogës, dietave të majme, benefiteve të tjera, apo edhe për pensionin e majmë që marrin, me taksat e shqiptarëve këta deputetë do të ftohen. Sipas dokumenteve q, Kuvendi i Shqipërisë ka hapur tenderin për blerje mallrash me objekt “f.v të sistemit për trajtimin e ajrit dhe kondicionimit në Sallën Plenare”. Në dokumente thuhet se fondi limit për këtë tender është 26.281.128 lekë pa TVSH.
Më tej, theksohet se sistemi i ngrohje/ ftohjes se godinës është planifikuar të jetë me pompë nxehtësie VRV Inverter (gaz gaz). “Këtu kemi përfshirë ambientet e zyrave dhe korridoreve. Gazi do të shpërndahet nga rrjeti i tubove të bakrit. Të tre katet do të kenë në funksionin e tyre vetëm një grupim pajisjesh të jashtme. Të gjitha njësitë e brendshme do të komandohen nga një pult qendror, të cilët do të instalohen në ambientin e recepsionit, kati përdhe”, thuhet në këto dokumente. Ndërsa këta deputet që Nikolla po iu siguron komfort, iu kërkojnë shqiptarëve që të ndezin kondicionerin me orar dhe të mos lajnë rrobat me lavatriçe.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post