Pasditen e sotme është shënuar një aksident automobilistik në aksin Lezhë- Milot. Bëhet me dije se një kalimtar i rastit u përplas nga një kamion. Për pasojë, 75-vjeçari është dërguar me urgjencë në spital dhe mësohet se është në gjendje të rëndë shëndetësore. Policia ka mbërritur në vendngjarje dhe po heton për zbardhjen e rrethanave të aksidentit.
Njoftimi i policisë:
Lezhë / Informacion paraprak
Rreth orës 16:50, në aksin rrugor Lezhë – Milot, në vendin e quajtur “Kryqëzimi i Shënkollit”, shtetasi B. T., duke drejtuar automjetin e tij kamion, ka aksidentuar shtetasin J. Gj. 75 vjeç, banues në Lezhë, i cili është dërguar në spital për ndihmë mjekësore.
Drejtuesi i mjetit po shoqërohet për veprime të mëtejshme hetimore procedurale.
Grupi hetimor në vendngjarje, vazhdon veprimet hetimore për zbardhjen e plotë të rrethanave të aksidentit.
Discussion about this post