Sekretari i Përgjithshëm i Partisë Demokratike Gazment Bardhi ka zbuluar detaje nga takimi me palën tjetër të kësaj force politike që përfaqësohej nga Edi Paloka. Bardhi ndërkohë është shprehur se nëse Gjykata e Apelit vendos në favor të ish-kryeministrit Sali Berisha, ai nuk do të jetë pro tij, pasi nuk e sheh si të ardhmen e Shqipërisë. Në deklaratën e tij gjatë emisionit “Kontrast”, Bardhi mohoi zërat për krijimin e një partie të re nga ai apo ish-lideri i PD Lulzim Basha.
“Unë nuk mund të dal në 2025 duke thënë se kandidati ynë për kryeministër, është Sali Berisha unë nuk e bëj dot, edhe nëse gjykata i jep të drejtë, prap nuk do e bëja, se unë nuk e besoj as vetë. Nuk përfshihem në asnjë iniciativë për asnjë parti tjetër, ka qenë kjo parti që më dha mandatin e përfaqësuesit e partisë, nuk do përfshihet kurrë në asnjë iniciativë për krijim partie, Berisha nuk është e ardhmja e PD-së dhe as e Shqipërisë dhe prandaj nuk mundem t’i them që do duhet ta votosh, atë. Kjo do ishte e paimagjinueshme. E paimagjinueshme që kjo parti të rikthehet 32 vite më parë, nëse nuk prodhon një lider të ri apo alternativë të re, peng të një individi atëherë ka një problem të madh,”-tha Gazment Bardhi.
Discussion about this post