Lideri çeçen Ramazam Kadyrov ka ndritur sërish termometrin diplomatik me thirrjet e fundit që vijojnë humorin e tij jashtëzakonisht luftarak. Pasi kërkoi nga Vladimirn Putin që të përdorë “armë të vogla bërthamore”, ai ka një tjetër “porosi” të veçantë, teksa e para fatmirësisht nuk i ka ecur.
Ramzan Kadyrov, në një postim në kanalin e tij Telegram, shprehu pakënaqësinë e tij për përgjigjet e dobëta të ushtrisë ruse ndaj bombardimeve dhe bëri thirrje për shkatërrimin e qyteteve të Ukrainës nga faqja e dheut.
Ne po përgjigjemi… por po përgjigjemi kaq dobët për mendimin tim. Nëse një raketë bie në anën tonë, në zonën tonë, qytetet duhet të fshihen nga faqja e dheut, në mënyrë që të shihet horizonti i largët, në mënyrë që ata të kuptojnë se nuk duhet as të mendojnë të gjuajnë kundër nesh. Ne nuk duhet të shikojmë se çfarë do të ndodhë nesër nëse marrim disa vendime”, tha Kadirov.
Udhëheqësi çeçen gjithashtu ka deklaruar disa herë se lufta në Ukrainë duhet të quhet luftë dhe jo operacion special ushtarak, siç kërkohet nga rregullatori i medias ruse, pasi armiqësitë tashmë po zhvillohen në “tokën e tyre”. Megjithatë, ai nuk specifikon se cilat toka i ka në mendje. Kadyrov gjithashtu beson se njerëzit e Kaukazit duhet të krijojnë radhë në zyrat e rekrutimit. Sipas tij, lufta në Ukrainë është një “luftë kundër Satanizmit” dhe muslimanët duhet të bashkohen me të krishterët për t’i rezistuar martesës së të njëjtit seks dhe zhdukjes së fjalëve “nënë” dhe “baba”, tha presidenti i Çeçenisë.
Sipas tij, Perëndimi i ka ezauruar mundësitë për të dhënë përgjigje, kështu që gjërat nuk do të përkeqësohen, shtoi ai. Ramzan Kadyrov së fundmi njoftoi se djemtë e tij të mitur po luftojnë në Ukrainë.
Discussion about this post