Mbreti Charles III thuhet se ka disa probleme shëndetësore. Sipas medias Le Matin, pas vdekjes së mbretëreshës Elizabeth II, mbreti ka rënë si mendërisht ashtu edhe fizikisht. Ekspertët flasin për një “krizë të madhe” që ai do të duhet ta kapërcejë. Por a është gati 73-vjeçari Charles për postin e kreut të kurorës britanike për të cilin është përgatitur gjithë jetën?
“Ai vuan nga depresioni dhe i tha gruas së tij Camilla se jeta e tij e re është shumë e vështirë për të. Ai është i lodhur dhe në panik për atë që e pret si mbret”, shkruan media. Siç pretendon Le Matin, mbretërimi i Charles do të jetë një nga “më të shkurtrat e 200 viteve të fundit”.
Ndonëse në raport thuhet se informacioni duhet trajtuar me kujdes, megjithatë vë në dukje se problemi shëndetësor i Charles nuk është vetëm i natyrës psikologjike pasi trashëgimtari 73-vjeçar i fronit britanik shfaqet me duar të kuqe dhe të fryra në disa foto.
“Gishtat e tij të kuq dhe të fryrë mund të tregojnë edemë, e cila është shenjë e dështimit të zemrës ”, paralajmërojnë mjekët. “Nëse zemra është e dobët, gjaku nuk pompohet në ekstremitete”, shpjegojnë ata.
Discussion about this post