Ish kryeministri Sali Berisha ka njoftuar sot se më 12 nëntor, opozita do të mbajë protestën e parë kombëtare. Në një konferencë për mediat, Berisha tha se kryeministri Rama “nuk meriton të qëndrojë në pushtet asnjë ditë e duhet të largohet një orë e më parë”.
“Pas Enver Hoxhës ky është armiku i dytë më i madh i lirive, qenies, votës buxhetit familjar, shtetëror e të gjithave me radhë”.
“Ky është një plaçkitës i paskrupullt nëpërmjet shtetit elektoral, nëpërmjet patronazhistëve grupe të tëra terroristë të kuq, bandave kriminale dhe bandave të drogës i votës së shqiptarëve… Në samitin e fundit në Praga padroni i tij në fjalën që do mbante në darkë, padroni i tij Vucic do i drejtohej audiencës: kam 17 vite që përpiqem me udhëheqjen politike të Kosovës e nuk arrij dot asnjë marrëveshje ndërkohë me si vllaun tim Rama biem dakord me çdo gjë e merremi vesh për çdo gjë. Ky është Edi Rama. Në çdo plan e rrafsh, ky nuk meriton të qëndrojë në pushtet asnjë ditë, meriton të largohet një minutë e më parë. Pas Enver Hoxhës ky është armiku i dytë më i madh i lirive, qenies, votës buxhetit familjar, shtetëror e të gjithave me radhë”, tha Berisha.
Discussion about this post