Një 23-vjeçar shqiptar, identiteti i të cilit nuk është bërë i ditur nga mediat vendase, e një vajzë po në të njëjtën moshë janë arrestuar nga Policia në Selanik pasi akuzohen për prodhimin dhe shpërndarjen e lëndëve narkotike në Greqi. Të rinjtë akuzohen si pjesë e një grupi të strukturuar kriminal që merreshin me prodhimin e heroinës.
Në fillim, ata siguronin heroinën pastaj me anë të një laboratori që kishin ngritur e shumëfishonin atë me anë të përzierësve të ndryshëm. Policia me anë të një deklarate bën me dije se në cilësinë e provës materiale janë sekuestruar:
- Një cilindër propani
- Enë me 5 pako heroinë me peshë totale 2524 gram
- Një peshore precize.
- Enë të ndryshme që përdoren për përzierjen e substancave kimike.
- 70 thasë për paketimin e ushqimeve.
- 2 telefona celularë të cilët përdoreshin për shitjen e drogës.
Raportohet se në momentin e arrestimin 23-vjeçari shqiptar ka tentuar që të largohet nga vendi i ngjarjes në këmbë por pa rezultat pasi është neutralizuar nga oficerët e Policisë. Në momnetin e arrestimin ai ka bërë rezistencë ndaj oficerëve dhe ka treguar një letërnjoftim që i përkiste një personi tjetër. Ndaj tij ishin lëshuar 2 ‘urdhër arreste’ për përfshirjen në banda kriminale dhe shkelje të ligjit për lëndët narkotike.
Discussion about this post