Ish-kryeministri Sali Berisha ka folur për mediat pak para firmosjes së marrëveshjes mes PD dhe PL për zgjedhjet e ardhshme lokale të 14 majit 2023, duke dhënë dhe një mesazh.
“Dita e ekzekutimit politik të personit më negativ që ka pasur Tiranë ndonjëherë në qeverisje. Ky është procesi”, u shpreh Berisha
Partia Demokratike dhe Partia e Lirisë do të firmosin sot marrëveshjen në lidhje me zgjedhjet lokale që pritet të mbahen më 14 maj të vitit 2023. Marrëveshja është konkretizuar pas takimit mes dy kryetarëve Sali Berisha dhe Ilir Meta, që u zhvillua një ditë më parë në selinë blu, në prezencën e sekretarit të përgjithshëm të Partisë Demokratike, Flamur Noka.
Pas takimit me Berishën, Meta tha se kandidati për kryetar bashkie do të dalë nga PD përmes “Primareve” ndërsa kandidati për Kryetar i Këshillit Bashkiak vjen si propozim i PL. Emri është propozuar vetë nga Meta që nuk dha detaje të tjera por e cilësoi si një “superpolitikan”.
Discussion about this post