Prokurori Adnan Xholi depoziton kërkesë dhe shpreh interes për drejtues të Prokurorisë së Posaçme kundër Korrupsionit dhe Krimit të Organizuar. Kështu Xholi bëhet kandidati i parë, i cili synon të marrë drejtimin e institucionit të ri të drejtësisë.
Komisioni i Pavarur i Kualifikimit më herët e ka konfirmuar në detyrë prokurorin e Prokurorisë së Përgjithshme, Adnan Xholi. Procesi i rivlerësimit për të u bazua në të tre kriterët, pasuri, figurë dhe aftësi profesionale. Prokurori i Prokurorisë së Përgjithshme, Adnan Xholi, kaloi me sukses procesin e vettingut. Shpallja e vendimit për të u parapri nga një konstatim, i pandeshur më herët në seanca të tjera, që nuk la dyshime për vlerësimin final të trupës. Prokurori Xholi rezultoi i pastër në të tre kriteret e kaluara në filtër nga ana e Komisionit, pasurisë, figurës dhe aftësive profesionale.
E vetmja problematike e konstatuar ishte mungesa e likuiditetit për disa shpenzime të kryera prej tij. Vetë Xholi tha se në 21 vite karrierë kishte punuar me përkushtim. Ai sqaroi se kishte probleme në metodologjinë e përdorur nga KPK në llogaritjen e shpenzimeve dhe se disa udhëtime të bëra jashtë vendit nuk ishin private, por udhëtime të bëra për shkak të punës dhe kësisoj të paguara nga shteti.
Discussion about this post