Kryeministri Albin Kurti ka zbuluar se vendimi i qeverisë së Kosovës do të mbetet në fuqi, por në të janë bërë disa ndryshime. Kështu, do të nisë përshkallëzimi në faza i masave, fillimisht 21 ditë, pastaj çdo dy muaj deri me 21 prill 2023.
Ai ka thënë se deri me datën 21 nëntor do të jetë në fuqi masa e qortimit.
Pastaj nga 21 nëntori deri më 21 janar do të jetë masa e gjobitjes.
Nga 21 janari për dy muaj do të ketë targa provuese dhe pas 21 prillit 2023 s’do të ketë targa të tilla.
“Targat për KM, GL janë targa ilegale. Qeveria e Kosovës përmes vendimit ka obliguar ata që ti kthejnë në targa RKS. Tash ne kemi zhvilluar diskutime edhe të brendshëm edhe me ministrinë e linjës. Dhe kemi ardhur në përfundim që të sjellim për propozim një vendim që bën sekuencim dhe shkallëzim të zbatimit të këtij vendimi.
Deri me 21 nëntor do të jetë masa a qortimit. Nga 21 nëntori deri me 21 janar do të jetë masa e gjobitjes.
Nga 21 janari do të kemi targa provuese për dy muaj.
Pas secilës datë me 21 prill s’do të ketë më targa të tjera në Republikën e Kosovës”, ka thënë kryeministri Albin Kurti.
Discussion about this post