Arrestohet në Perugia të Italisë një 35-vjeçar shqiptar. Ai akuzohet për posedim dhe tregtim të lëndëve narkotike. Protagonisti i ngjarjes tentoi ti shmangej kontrollit të policisë rrugore, çka ka bërë autoritetet të dyshojnë e të ndalojnë makinën.
Pas identifikimit, policia vendosi të kontrollonte makinën e më tej edhe banesën e 35-vjeçarit, ku u gjetën e sekuestruan një kavanoz qelqi me 33 doza kokaine brenda si dhe pajisje të nevojshme për paketimin e lëndës narkotike.
Gjatë kontrollit u gjetën edhe 980 euro para CASH të cilat u sekuestruan pasi konsideroheshin të ardhura nga aktiviteti ilegal.
Discussion about this post