Fran Frrokaj nuk po gjendet nga policia. Kur sot, Gjykata e Apelit të Shkodrës dha vendimin 3 vite burg për ish-kryebashkiakut të Lezhës, Fran Frrokaj duhet t’i ishin vënë prangat, por duket se kemi të bëjmë me arratisje të mundshme.
Që prej orës 13.00 të pasdites së sotme, askush nuk di asgjë se ku ka përfunduar Fran Frrokajn, ndërkohë që policia po e kërkon duke ushtruar kontrolle në Shkodër dhe në Lezhë, por deri më tani nuk ka asnjë shenjë prej tij. Lidhur me zhdukjen e ish-kryebashkiakut, Policia e Shtetit nuk ka dalë në një njoftim për të sqaruar se çfarë po ndodh. Këtë të premte, Gjykata e Apelit në Shkodër ka dhënë vendimet për ish-zyrtarët e Lezhës dhe përfituesit e tokës, të akuzuar për tjetërsim prone zonën e Ranës së Hedhur në Shëngjin.
Ish-kryebashkiaku i Lezhës Fran Frrokaj dhe ish-kryetari i qarkut Gjok Ndoka, janë dënuar me nga 3 vite burg, ndërsa gjykata gjeti fajtorë edhe 15 zyrtarë e qytetarë të përfshirë në tjetërsimin e 234 mijë metrave tokë në bregdetin e Ranës së Hedhun në Shëngjin.
Hetimet për tjetërsimin e pronave në zonën e Ranës së Hedhun në Shëngjin kanë nisur në vitin 2017-të.
Në shtator të vitit 2020, Frrokaj u dënua nga Shkalla e Parë me 4 vite burg për tjetërsimin e pronave te Rana e Hedhun në Shëngjin, por Apeli vendosi t’i ulë dënimin me 1 vit. Ndërsa Gjok Ndokës iu shtua 1 vit burg nga Apeli.
Discussion about this post