E “tradhëtoi” tatuazhi, si u identifikua shqiptari që përdhunoi 34-vjeçaren

Shqiptari që akuzohet për përdhunimin e një gruaje në Greqi dhe ngacmimin seksual ndaj një 24-vjeçareje tjetër, është identifikuar nëpërmjet tatuazhit që ka në krahun e djathtë. Mediat greke bëjnë me dije se 45-vjeçari u pa nga kamerat e sigurisë.

Autori  është baba i dy fëmijëve dhe familja e tij jeton në Shqipëri.

Në Greqi ishte i papunë dhe e mbante e ëma financiarisht.

Autoritetet e dinë emrin e tij, por autori duket se ka arritur të arratiset në Shqipëri. Ndaj pritet të lëshohet një urdhër-arresti ndërkombëtar, ndërsa në Shqipëri do të dërgohet një kërkesë për ndihmë gjyqësore.