Autoritetet belge kanë dërguar në Shqipëri një letërporosi për Kevin Zenelin i cili është në kërkim për atentatin ndaj Erion Hasanbelli. Kevin Zeneli (Suçi) kërkohet në Belgjikë si autori i dyshuar i atentatit të kryer ndaj Erion Hasanbellit në Belgjikë. Ai ishte i shpallur në kërkim pas dëshmive të vëllezërve Indrit e Gentian Beqiri dhe konsiderohet si krahu i djathtë i Kasandër Nogës, një personazh i njohur të botës së krimit.
Ndaj Erion Hasanbelliut u qëllua me 6 plumba në Belgjikë dhe dyshohet për hakmarrje. Mes porositësit dhe viktimës, ka një hasmëri që ka nisur mbi 20 vite më parë. Në gusht të vitit 2000, Noga ka ekzekutuar me armë zjarri babanë e Erjon Hasanbelliu, Aqif Hasanbelliu dhe Dritan Hajdinin.
Një vit më pas, vëllezërit Geron dhe Erion Hasanbelliu tentuan të hakmerren. Ata i bën atentat Kasandër Nogës në një kafene në Anterp, por ai arriti t’i mbijetojë plumbave, ndërsa në këtë ngjarje mbeti i vrarë një mik i tij.
Në lidhje me këtë sagë hakmarrjesh, nga Kasandër Noga, dyshohet se kishte porositur Kevin Zenelin për të vrarë vëllain e Erjonit, Geron Hasanballiun, por që u ngatërrua shënjestra duke i kushtuar jetën Erion Çelës.
Kevin Zeneli apo Kevin Suçi, 23 vjeç, është në listën e ekzekutorëve me pagesë dhe kërkohet edhe nga policia shqiptare. I riu rezulton të jetë një person kyç në ekzekutimet dhe tentativat e vrasjeve që u zbardhën nga policia e Durrësit në aksionin e koduar “Porositësi”.
Kevin Suçi akuzohet nga policia shqiptare për vrasje, mbajtje dhe prodhim armësh e municionesh si dhe sigurim i kushteve dhe mjeteve për kryerjen e vrasjes si pjesë e grupit të strukturuar kriminal.
Discussion about this post