Tronditëse/ Po ndërronte gomën e kamionit, humb jetën emigranti shqiptar

Një emigrant shqiptar ka humbur jetën tragjikisht në Greqi. Mësohet se 47-vjeçari po tentonte të riparonte gomën e një kamioni.

Sipas mediave helene, shtetasit në fjalë iu thye kriku, duke bërë që ta zinte mjeti i rëndë sipër.

Ngjarja ka ndodhur mëngjesin e sotëm, në rrugën “Michail Psellou”, të Selanikut. 47-vjeçari ka ndërruar jetë në vendngjarje pa mundur t’i mbijetonte plagëve të marra.

Rrethanat e sakta të aksidentit janë duke u hetuar ende nga grupi hetimor.