Crystal Palace ka zyrtarizuar trajnerin e ri dhe do të jetë një emër i njohur në Premier League, pasi për tetë vite ka shkëlqyer në fushën e blertë me fanellën e Arsenalit.
Shkruajmë për Patrick Vieira, i cili si trajner ka drejtuar New York City në MLS , si dhe Nice në Francë. Tekniku ka nënshkruar për tre sezone dhe është gati të nisë nga puna.
“Jam shumë i lumtur që më jepet kjo mundësi të rikthehet në Premier League dhe të drejtoj një ekip të mrekullueshëm. Po fillojmë së bashku një kapitull të ri.
Projekti është tërheqës për mua, sikurse edhe ambiciet dhe planet e drejtuesve për klubin dhe akademinë në veçanti. Shpresojmë të bëjmë përmirësime të mëtejshme dhe ta çojmë Crystal Palace përpara”, ka thënë mes të tjerash Vieira.
