Deputetja e Partisë Demokratike Jorida Tabaku ka deklaruar se buxheti dhe Paketa Fiskale që janë duke u diskutuar në Kuvend, merr 130 mln euro taksa shtesë nga qytetarët për të paguar 120 milionë euro konensione/PPP.
Ajo i drejtohet qytetarëve, ku thotë se buxheti nuk i jep përgjigje nevojave që kanë, por përkundrazi, shton me 17 milionë euro kosto për profesionistët e lirë.
MESAZHI I TABAKUT
Buxheti dhe Paketa Fiskale që po diskutohet sot në kuvend ju merr para nga xhepi juaj për t’ia dhënë koncesioneve.
Ky është buxheti që po diskutohet tani në parlament. A i jep buxheti përgjigje nevojave që kanë shqiptarët?
A merret buxheti me inflacionin e rritur që ka shkuar në 30% e që po varfëron çdo shqiptar?
A jep përgjigje rritjes së kësteve të kredisë? Që sot po ulin konsumin dhe po varfërojnë familjet?
A i jep përgjigje sot faturave të rritura të arsimit? Energjisë?
Në mënyrë absolute jo!
Nuk merret me asnjë nga këto shqetësime. Përkundrazi, shton me 17 mln euro kosto për profesionistët e lirë! Taksa të rritura!
Merr 130 mln euro taksa shtesë nga qytetarët shqiptarë për të paguar 120 mln euro koncesione/PPP.
Pastaj pyesim veten përse shqiptarët po largohen?!
Largohen pasi ndjehen të pasigurt!
Discussion about this post