Korçë/ Burri gjendet i pajetë në rrugë, dyshimet

Një 62-vjeçar është gjetur i pajetë në anë të rrugës, në hyrje të fshatit Dërsnik të Korçës, këtë të Mërkurë. Sipas policisë, dyshohet se ai ka humbur jetën për shkaqe natyrale.

“Rreth orës 16:45, në hyrje të fshatit Dërsnik, Korçë, në anë të rrugës, është gjetur pa shenja jete dhe nga këqyrja paraprake pa shenja dhune, shtetasi M.K., rreth 62 vjeç, banues në fshatin Dërsnik.  Nga të dhëna e para dyshohet se 62-vjeçari, ka humbur jetën për shkaqe natyrale”, njoftoi policia.

Grupi hetimor po punon për zbardhjen e rrethanave të ngjarjes, shtuan të njëjtat burime.