Gjatë një aksioni sot, policia e Tiranës ka vënë në pranga dy persona. Gjithashtu nën hetim ndodhen dhe dy të tjerë, pasi u kapën në befasi në një lokal në zonën e Ndroqit. Mësohet se ata nuk i janë bindur urdhrit për ushtrimin e kontrollit ndaj tyre, ndërsa pas ndërhyrjes së uniformave blu janë kapur me lëndë narkotike, kokainë.
Të arrestuarit janë shtetasit me iniciale A. C., 32 vjeç dhe M. Xh., 23 vjeç, ndërsa ka nisur procedimi penal për shtetasit D. Xh., 51 vjeç dhe B. Xh., 39 vjeç
Njoftimi i plotë:
“Specialistët e Seksionit për Hetimin e Narkotikëve arrestuan në flagrancë shtetasit A. C., 32 vjeç dhe M. Xh., 23 vjeç, si dhe nisi procedimi penal për shtetasit D. Xh., 51 vjeç dhe B. Xh., 39 vjeç, të katërt banues në Tiranë.
Gjatë kontrollit në një lokal, në rrugën Tiranë-Ndroq, këta shtetas nuk u janë bindur urdhrave të punonjësve të Policisë, për kontroll. Gjatë kontrollit fizik, shtetasit A. C. iu gjet dhe iu sekuestrua në cilësinë e provës materiale, një sasi lënde e dyshuar narkotike kokainë”, njofton policia.
Discussion about this post