Pas deklaratës së futbollistit Gerard Pique, i cili tha se do të mbyllte karrierën, ka reaguar Carles Puyol. Ai deklaroi se është i shokuar dhe nuk e priste aspak këtë lajm.
Faleminderit për gjithçka Pique. Jam i shokuar. Të gjithë ishin shumë të padrejtë me ju, pak e mbrojtën fanellën e Barçës ashtu si ju.
Lexo edhe: Pique jep lajmin e bujshëm, të shtunën tërhiqet nga futbolli
Jam krenar që kam luajtur me ju, është një privilegj. Të dua miku im”, ka shkruar mbrojtësi legjendar në rrjetet sociale.
Futbollisti i Barcelonës Gerard Pique ka njoftuar largimin e tij nga fusha e blertë. Mbrojtësi shtoi se këtë të shtunë do të jetë ndeshja e fundit. Ai do të luajë kundër Almerias në stadiumin “Camp Nou”. Ylli spanjoll ka publikuar në Twitter një klip emocional 2-minutësh në të cilin ka rishikuar të gjithë karrierën e tij futbollistike që kur mbërriti në La Masía.
“Ju, kusarët, më keni dhënë gjithçka dhe tani që ëndrrat e atij fëmije janë realizuar, dua t’ju them se është koha për ta mbyllur këtë rreth. Unë gjithmonë kam thënë që pas Barçës nuk do të kishte asnjë ekip tjetër dhe kështu do të jetë. Kjo e shtunë do të jetë ndeshja ime e fundit në Camp Nou”.
Ndaj, ndeshja kundër Almerías këtë të shtunë në orën 21:00 në Barcelonë merr një ngjyrim shumë të rëndësishëm, pasi do të jetë e fundit e Pike me fanellën e Barçës, të paktën në “Camp Nou”. Mbetet për t’u parë nëse ndeshja kundër Osasunas të martën e ardhshme do të jetë ajo përfundimtare dhe me të cilën ai do të varë këpucët pak para pushimit për Botërorin.
Culers, us he de dir una cosa. pic.twitter.com/k3V919pm1T
— Gerard Piqué (@3gerardpique) November 3, 2022
Discussion about this post