Arrestohet në Kukës një 49-vjeçar i shpallur në kërkim ndërkombëtar. Ai akuzohet për “Prodhim dhe shitje të lëndëve narkotike”. Ndërkohë i arrestuari, i identifikuar si shtetasi Dejan Stanojevic, 49 vjeç, banues në Ferizaj, pritet të ekstradohet për në Serbi.
Gjatë përpunimit dhe verifikimit të të dhënave në sistem, ky shtetas ka rezultuar i shpallur në kërkim ndërkombëtar. Gjykata e Lartë e Beogradit, e ka dënuar me 5 vjet e 6 muaj burgim, për veprën penale “Prodhimi dhe shitja e narkotikëve”, parashikuar nga legjislacioni penal i Serbisë.
Specialistët e Seksionit për Hetimin e Trafiqeve të Paligjshme dhe Narkotikëve të DVP Kukës bënë arrestimin e këtij shtetasi. Kjo me qëllim ekstradimin e tij drejt në Serbi.
Njoftimi zyrtar i policisë:
Në Pikën e Kalimit Kufitar, Morinë, në hyrje të RSH-së, shërbimet e Policisë, si rezultat i kontrolleve me përzgjedhje dhe i shkëmbimit të informacionit me Interpol Tiranën, kanë ndaluar shtetasin e shpallur në kërkim ndërkombëtar:
-Dejan Stanojevic, 49 vjeç, banues në Ferizaj.
Gjatë përpunimit dhe verifikimit të të dhënave në sistem, ky shtetas ka rezultuar i shpallur në kërkim ndërkombëtar. Gjykata e Lartë e Beogradit, e ka dënuar me 5 vjet e 6 muaj burgim, për veprën penale “Prodhimi dhe shitja e narkotikëve”, parashikuar nga legjislacioni penal i Serbisë.
Specialistët e Seksionit për Hetimin e Trafiqeve të Paligjshme dhe Narkotikëve të DVP Kukës bënë arrestimin e këtij shtetasi, me qëllim ekstradimin e tij drejt në Serbi.
Interpol Tirana, në bashkëpunim me autoritetet serbe, vijon procedurat për ekstradimin e këtij shtetasi.
Discussion about this post