Një aksident automobilistik është shënuar mëngjesin e sotëm në aksin Tepelenë- Gjirokastër. Mësohet se dy makina janë përplasur me njëra-tjetrën. Ngjarja ndodhi rreth orës 06:10 në vendin e quajtur “Luzat.”
Policia bën me dije se automjeti tip “Dacia”, që drejtohej nga shtetasi K. Ç., është përplasur me automjetin tip “Seat”, me drejtues shtetasin H. S.
Për pasojë janë dëmtuar drejtuesi i automjetit tip “Dacia”, shtetasi K. Ç. dhe pasagjeri që ndodhej në automjetin tip “Seat”, shtetasi Xh. G. 19 vjeç, banues në Tepelenë.
Të plagosurit u transportuan në spitalin Rajonal Gjirokastër, për të marrë ndihmën mjekësore.
Në vendngjarje ndodhet grupi hetimor dhe po punon për zbardhjen e shkaqeve të aksidentit.
Discussion about this post