Lideri historik i PD Sali Berisha shpalosi sot një pjesë të programit që kjo forcë politike ka për të rinjtë. Ai premtoi se njësoj si në Kosovë, dhe në Shqipëri studentët do të subvencionohen nga shteti me 100 euro secili. Gjithashtu, sipas Berishës, tarifat e universiteteve do të përgjysmohen.
“Të rinjtë po afrohen dhe do marrin rol gjithnjë e më të madh. PD është e Rithemeluar dhe rithemelimi i saj është vendimtar. Janë këto primare ku kanë vendosur të garojnë dhe unë i ftoj sa më shumë të rinj të garojnë për qytetarë të parë të bashkive. një seri departamentesh po krijohen dhe intelektualë të rinj kanë marrë drejtimin dhe janë interesuar në këto apartamente. do ketë një ripërtëritje të elitës politike të PD-së.
Ju shtroni pyetjen që po ikin studentët, ne kemi një program emergjence kundër varfërisë, vendosjen e minimumit jetik, dyfishim rrogash dhe pensionesh, subvencionim të çdo studenti me 100 euro, atë që bëri Kosova, përgjysmim të të gjitha tarifave të studentëve. do ketë një program, në epiqendër të ekonomisë shqiptare do të vendosen ëndrrat e të rinjve që përqendrohen sot në HiTech. Shqipëria ka potenciale të jashtëzakonshme dhe ka çdo gjë të mundshme”, tha Berisha.
Discussion about this post