Një ngjarje e përmasave tragjike ka ndodhur sot në Foggia të Italisë. Bëhet fjalë për një helikopter të tipit A109, i cili u raportua i zhdukur paradite. Ndërkohë mësohet se mjeti është rrëzuar, dhe brenda tij udhëtonin 7 persona.
Sipas mediave italiane, asnjë nga pjesëtarët e bordit nuk ka arritur të mbijetojë. Mes viktimave janë edhe dy fëmijë.
Kontakti i fundit i helikopterit me radar ka qenë në zonën midis Apricena dhe San Severo në Gargano të poshtme, një zonë ku një stuhi ishte në zhvillim e sipër .
helikopteri, në shërbim në linjën Foggia-Vieste-Ishujt Tremiti, i përkiste kompanisë së transportit ajror Alidaunia.
Viktimat dyshohet se janë turistë sllovenë . Helikopteri ishte nisur në orën 9:20 nga Ishujt Tremiti dhe më pas kishte humbur gjurmët. Mbeturinat u gjetën në një zonë rurale të Castelpagano di Apricena.
Discussion about this post