Tentoi të përdhunojë greken, publikohet fotoja e shqiptarit

Ky (foton kryesore) është shqiptari që tentoi të përdhunojë një 20-vjeçare në rrugën Mystra në Nicë të Greqisë.

Fotoja është publikuar nga mediat greke dhe mësohet se bëhet fjalë për një 28-vjeçar dhe jo 40 vjeçar sikurse ishte raportuar më herët.

Ndërkohë në ditë ka dalë një video pamjet e të cilës janë marrë nga kamerat e sigurisë. Video tregon tregon tentativën e dëshpëruar të 20-vjeçares për t’i shpëtuar 28-vjeçarit shqiptar, i cili tentoi ta përdhunonte.

Vajza në tentativë për t’u arratisur fillon t’u bjerë dyerve dhe kambanave të fqinjëve duke kërkuar ndihmë.

Vajza po kthehej në shtëpi

Ngjarja u regjistrua në orët e para të së dielës, ku një 20-vjeçare përjetoi minuta tmerri pasi 28-vjeçari e kapi dhe tentoi ta përdhunojë teksa po kthehej në shtëpi.

Sipas policisë, e reja ka rezistuar fort dhe ka marrë dëmtime në fytyrë pasi luftoi me përdhunuesin e saj të mundshëm.

Asaj iu desh të merrte ndihmë mjekësore në Spitalin e Përgjithshëm Shtetëror të Nicës.

Pavarësisht tronditjes që ka pësuar vajza, ajo ka arritur të ruajë disa karakteristika të autorit.

“Ishte natë mes të shtunës dhe të mëngjesit të së dielës. Isha ulur në një ballokon dhe ai fshihej që të mos e shihja. U ngrita të largohem dhe papritur ndjeva se dikush më mbylli gojën.Më pas ne filluam të ziheshim, unë bërtita ‘ndihmë’ dhe më pas ai më goditi në kokë. Fatmirësisht ka dalë një fqinje dhe ka bërtitur “çfarë po bën atje, çfarë po bën atje”. Ai është trembur dhe ka nisur të vrapojë. Unë vrapova pas tij por nuk arrita dot pas tij, nuk kisha më forcë, thirra ndihmë”, ka treeguar ajo.

Oficerët e policisë të cilët ndërkohë ishin alarmuar nga banorët e zonës të cilët dëgjuan britmat e saj, kërkuan dhe pak më vonë e gjetën.

28-vjeçari shqiptar u arrestua ndërsa po hetohet nëse ka kryer sulme të tjera ndaj grave në zonën e gjerë të Pireut.