Kokainë dhe kanabis në banesë, arrestohet shqiptari në Itali

Autoritetet italiane kanë arrestuar një 29-vjeçar shqiptar, banues në Forli pasi dyshohet për trafikim të lëndëve narkotike.

Gjatë kontrollit në banesën e tij u gjetën edhe provat e mjaftueshme për të provuar dyshimet e ngritura nga autoritetet e vendit fqinj, raportojnë mediat lokale.

Në momentin e ndërhyrjes së policisë, i riu shqiptar nuk është treguar bashkëpunues ndaj forcave të rendit, të cilët më pas arritën të zbulojnë kokainë dhe kanabis me një peshë totale rreth 1 kg si, një peshore dhe një sasi parash të cilat dyshohen se kanë ardhur si rezultat i shitjes së narkotikëve.

Gjithashtu, gjatë kontrollit u gjetën dhe sekuestruan disa shishe metadon dhe disa karta krediti, në lidhje me të cilat akuzohet për veprën penale të mbajtjes së mallit të vjedhur.