Deputeti i Partisë Demokratike, Edi Paloka mohoi edhe një herë që të ketë qenë në gjendje të dehur në Kuvend. I ftuar ditën e sotme në ‘Abcnews’, Paloka tregoi se iu drejtua kryeministrit Edi Rama me të njëjtat fraza që ai përdori një ditë më parë në seancë plenare.
“I thashë je bedel, je i pafe, i pa atdhe, je gjel plehu në Surel, i thashë je miza në b*thën e kalit…Me Ramën, nuk e di a ka më fjalë që mund t’i thuhen për të zezat që i ka bërë këtij vendi. Nuk e kishim planifikuar.”
Reagimi i Palokës vjen pas vendimit të dorëzimit të kërkesës së Partisë Socialiste në Kuvendin e Shqipërisë për ta përjashtuar atë dhe deputetin Bujar Leskaj për 10 ditë nga seancat plenare.
Ai akuzohet nga Partia Socialiste, se ishte i alkoolizuar në seancë, përdori fjalë fyese dhe kreu veprime të pahijshme. Të gjitha këto, sipas PS-së, u kryen në momentin që do votohej buxheti i vitit 2023. Kryeministri Edi Rama, kërkoi nga kryetarja e Kuvendit, Lindita Nikolla, përjashtimin e dy deputetëve.
Discussion about this post