Manchester United arrin të kualifikohet në fazën e 1/8-ave të Carabao Cup. “Djajtë e Kuq” fituan 4-2 përballë Aston Villas në “Old Trafford” duke traguar forcë dhe karakter, pasi u gjendën dy herë në disavatash, por në fund triumfuan madje me diferencë golash.
Pjesa e parë u mbyll me rrjeta të paprekura, por loja u ndez kur Watkins zhbllokoi ndeshjen në fillim të pjesës së dytë pas një kundërsulmi të shpejtë, i shërbyer nga Ramsey.
Kundërpërgjigja e Man. United ishte shumë e shpejtë, pasi, sapo loja rinisi nga qendra, Anthony Martial ktheu ekuilibrin në rezultat.
“Djajtë e Kuq” e panë veten në sërish në vështirësi kur Dalot, realizoi autogol në minutën e 61-të.
Gjithsesi, pas këtij momenti, vendësit ishin të pandalshëm, duke shënuar tre gola njëri pas tjetrit me autorë Rashfrod, Fernandes dhe McTominay.
Discussion about this post