Pasi Twitter prezantoi një sistem të ri verifikimi me marrjen në kontroll nga miliarderi Elon Musk, përdoruesit e aplikacionit shfrytëzuan momentin. Menjëherë ata krijuan llogari të rreme në emër të personazheve të famshëm.
Dikur figurave publike iu kërkohej të siguronin prova të identifikimit përpara se të merrnin simbolin e verifikimit.
Sipas modelit të ri, të gjithë klientët që abonohen për tetë dollarë në muaj do të kenë llogari të verifikuara.
Lexo edhe: Elon Musk “i prerë”, do të largojë përgjithmonë nga Twitter ata që…
Musk ka argumentuar se verifikimi përmes shërbimeve të pagesave dhe platformave të aplikacioneve si Google dhe Apple është e mjaftueshme.
Ai gjithashtu shtoi se çdo kush që hap një llogari nën emrin e dikujt, do t’i mbyllet llogaria pa paralajmërim.
Megjithatë, një numër llogarish të rreme janë hapur që nga shfaqja e sistemit të ri.
Këto llogari janë përdorur më shumë nën emrin e figurave publike.
Twitter reagoi me anë të një postimi duke thënë se këto raste po ndiqen në mënyrë agresive.
Musk, i cili është gjithashtu drejtor ekzekutiv i Tesla-s dhe SpaceX, përfundoi marrjen e platformës prej 44 miliardë dollarësh muajin e kaluar, duke shkurtuar menjëherë fuqinë punëtore dhe duke zbatuar tarifën e abonimit mujor për përdoruesit që do të verifikohen në platformë.
Discussion about this post