PD çon në Gjykatën Kushtetuese marrëveshjen për Portin e Durrësit

Deputeti demokrat Oerd Bylykbashi ka deklaruar sot para mediave se PD ka çuar në Gjykatën Kushtetuese marrëveshjen për Portin e Durrësit.

Bylykbashi tha se marrëveshja për Portin e Durrësit është një megaaferë korruptive dhe një grabitje e pasurisë publike për interesa privatë.

“Mega aferës më të madhe korruptive në historinë e Shqipërisë, një aferë e gatuar në fshehtësi. Një grabitje e tillë e pasurisë publike për interesa private nën petkun e investitorëve strategjik por me kompani offshore. Ne e godasim në Gjykatën Kushtetuese. Shpresojmë  që gjykata të qëndrojë në nivelin e saj të vërtetë të mbrojë interesin publik. Shkuarja tek dhënia me koncensione individësh e kompanish pa marrë parasysh fare ligjin shqiptarë, këtë mund ta bëj vetëm një individ, Edi Rama. Ne e godasim këtë duke e çuar në Gjykatën Kushtetuese. Ne e godasim në interes të shqiptarëve. Porti është një aset për vendin, themel për një qytet 3 mijë vjeçar. Nuk mund tu merret qytetarëve të Shqipërisë”, tha Bylykbashi.

Lexo edhe: Plagosja e kryebashkiakut, PD: Kryetarët e Ramës po i bëjnë gjyqin njëri-tjetrit