Brazili është skuadra e parë finaliste e Kupës së Amerikës. Djemtë e Tite fituan 1-0 ndaj Perusë në sfidën gjysmëfinale. Golin e fitores e realizoi Lucas Paqueta, i cili po zhvillon një kompeticion shumë të mirë.
Minuta e 35-të, veprim i bukur i Neymar në krahun e majtë, asist në zonë dhe finalizim i mesfushorit ofensiv të Lyon në Francë. Pjesa e dytë dhuroi duele të forta, por asnjë rast për gol nga dy skuadrat.
Brazili menaxhoi avantazhin deri në fund dhe ia doli të sigurojë kalimin në finalen e madhe (11 korrik), aty ku do të ketë përballë fituesin e çiftit Argjentinë-Kolumbi (e mërkurë, 03:00).
Nënte herë e ka fituar Kupën e Amerikës kombëtarja Selecao. Turneu po zhvillohet në Brazil dhe skuadra e drejtuar nga Tite do të synojë triumfin e dhjetë më 11 korrik.
