Një ditë pas protestës së organizuar nga Partia Demokratike në Tiranë në bulevardin “Dëshmorët e Kombit”, duket se situata është kthyer në normalitet. Janë hequr dyert e blinduara nga punonjësit e Kryeministrisë. Ato ishin vënë një ditë më parë, si masë sigurie ndaj një përshkallëzimi të mundshëm.
Tubimi i djeshëm u shoqërua me incidente të vogla. Ku pas përfundimit të fjalimeve, qytetarët çanë kordonin e sigurisë së policisë për të ndezur qirinj tek hyrja e Kryeministrisë.
Lexo edhe: “E turpshme”/ Protesta e shqiptarëve në Londër, revoltohet politikani britanik
Kishte edhe nga ata që goditën me shkelma dhe grushte dyert e blinduara. Madje një prej protestuesve u ndalua nga policia, pasi sipas tyre, kishte nxjerrë një thikë dhe po bënte lëvizje të pakontrolluara.
Protestuesit hodhën dhe bojë të kuqe e të zezë në muret e Kryeministrisë. Një ditë më pas, asgjë prej tyre nuk ka mbetur.
Qirinjtë janë larguar, ndërsa boja në mure është larë menjëherë. Ndërkohë në oborrin në krah të Kryeministrisë mungon një “simbol” i kësaj godine, kërpudha që e ka vendosur Edi Rama.
Përpara çdo tubimi, autoritetet e largojnë kërpudhën pasi në raste të mëparshme, qytetarët e kanë shkatërruar.
Discussion about this post