Albërije Hadërgjonaj dhe Orgesa Zaimi ishin të dyja të pranishme mbrëmjen e kaluar në “Zemër Luana” dhe gjatë lojës “Në gojë të luanit hedhim halle” patën një përplasje mes njëra-tjetrës.
Orgesës iu kërkua të rendiste 3 këngëtare konkurrente të këtij viti në Këngën Magjike, si fituesen e festivalit, atë të publikut dhe njërën ta linte jashtë.
Para se Orgesa të jepte përgjigjen, Albërija ndërhyri për të thënë se te Kënga Magjike votohet me mik mes konkurrentëve.
“Te Kënga Magjike votoni njëri-tjetrin dhe unë, pretendente e çmimeve të para, s’kam parë asnjë pikë nga kolegët e mëdhenj. Ky është problemi! Thuaje, sepse ke përgjegjësi!” –u shpreh Albërija.
Ndërsa Orgesa u përgjigj, duke zgjedhur Mariza Ikonomin si fituese të festivalit; Anxhela Peristerin si fituese të publikut; ndërsa nga kjo treshe la jashtë Marsela Çibukajn.
Pas renditjes së Orgesës, Albërija kundërshtoi duke e pyetur nëse renditjen e ka bërë sepse Marizën e ka mikëshë apo sepse vërtetë e meriton.
“E zgjedh fituese Mariza Ikonomin sepse e ke shoqe, apo sepse ka këngën më të mirë të festivalit?”, -ndërhyri me tone të larta Albërija, duke shtuar: “Ky është problemi, sepse Albërije Hadërgjonaj del edhe ta thotë në sy: E ke gabim, përfiton dhe i shfrytëzon njerëzit! Ky është problemi i njerëzve që kanë frikë të dalin përballë këtij realiteti! Mua nuk më bën asnjë njeri të ndryshoj mendim. Kam punuar, kam sakrifikuar dhe kam vuajtur për të ardhur këtu ku jam. Dhe pse duhet t’ia jap pikët unë një shoqes sime?!”
Ndërsa Orgesa ia ktheu:
“I kam shoqe të treja! Pikërisht problemi i kësaj pyetjeje është se janë vendosur 3 emra shumë të rëndësishëm në muzikë sot dhe gjithashtu 3 konkurrente shumë të forta në Këngën Magjike. Tani, si t’ia bëj unë që duhet të zgjedh? Në momentin që jemi në Këngën Magjike, e kemi marrë parasysh që duhet të votojmë.”
Burimi: /Class
Discussion about this post